香港人忙,乜都要快,就你知、我知,大家知。学大师兄话斋:「分分钟几百万上落㗎。」,真係去快餐店食个饭嘅时间都无呀!面对呢个情况, 大家乐近期就开咗间比快餐更快嘅速食店,话要将Grab & Go(快速得到)嘅概念带入快餐市场。咦!咁咪即係同即叮即食嘅「波仔饭」有异曲同工之妙?非也,因为店铺背后有厨房新鲜製作,基本上是个热食饭盒。等记者即刻望吓呢间名为「大家乐一百加」嘅速食店有咩特别先!

简洁店面 设「立食」位置

「大家乐一百加」嘅店面以白木墙身、木造地版为主,甚有简洁「北欧风」嘅设计,不论Logo设计同店面布置都同平日快餐店嘅形象好大出入,完全唔似係「平民路线」速食店!

大家乐出「波仔饭」?新张$5奶茶吸客

冷柜主要分饮品冷柜区及食品恆温柜两边,饮品柜除咗有普通汽水外,亦见有唔同牌子嘅贵价果汁、水、沙津同三文治售卖,旁边的水吧依旧可以沖调饮品,感觉都几High-class。而恆温食品柜就为个饭盒保持热温,呢个就係同叮叮饭嘅分别,大家可以在热食柜拣选完之后,饭盒即时食用,真係快过快餐喎!

另外,店内亦仲有零食架,有唔同嘅港式小食,包括甜话梅、特级风琴鱿鱼、古法製柠檬姜等!

大家乐出「波仔饭」?新张$5奶茶吸客

买完个饭仲要慢慢拎返公司?唔驶烦啦!店内亦设有「立食」位置,畀客喺度即刻买、即刻食,快快手搞掂!

大家乐出「波仔饭」?新张$5奶茶吸客

大家乐「速食饭」种类唔少,中式、西式,竟然连车仔麵都有,而价钱都係四十蚊有找,睇嚟值得一试!而以下部分热荤食品嘅包装备有隔热手挽,客人唔驶惊烫亲手,呢个细心位值得加分。店内有分早餐、午餐同下午茶时段,供应唔同食物。

早餐时段:

一哥糯米鸡套餐 $27

呢个糯米鸡份量够大,早餐食完应该可以直撑到Lunch Time呀!

大家乐出「波仔饭」?新张$5奶茶吸客
大家乐出「波仔饭」?新张$5奶茶吸客

午餐时段:

芝士厚切一哥焗猪扒饭 $39

呢个「焗猪饭」平时喺餐厅食起码都等15分锺,而家有得即食又几吸引!

大家乐出「波仔饭」?新张$5奶茶吸客
大家乐出「波仔饭」?新张$5奶茶吸客

芝士焗肉酱扁意粉 $36

大家乐出「波仔饭」?新张$5奶茶吸客
大家乐出「波仔饭」?新张$5奶茶吸客

排骨四宝三色米蒸饭 $38

睇相望个四宝饭就几足料啦,唔知入面会唔有啲蒸饭焦呢?

大家乐出「波仔饭」?新张$5奶茶吸客
大家乐出「波仔饭」?新张$5奶茶吸客

下午茶时段:

「随你加车仔麵」$32起

大家乐出「波仔饭」?新张$5奶茶吸客

速食店有「车仔麵」买走真係第一次听,客人可以喺食品柜拣完麵底(有油麵、米线、乌冬同米粉供选择)后,就喺配料纸拣配料,厨房就会即整即包!

大家乐出「波仔饭」?新张$5奶茶吸客

$5奶茶益中环友

由于开业初期,「大家乐一百分加」就推出咗5蚊奶茶吸客,适用于任何时段,真係唔去买佢地嘅「速食饭盒」,去饮返杯平奶茶都好。

大家乐出「波仔饭」?新张$5奶茶吸客

大家乐一百加 CdC Hundred & More

地址:中环中心 1 楼 3 号舖

电话:2445 7889

营业时间:星期一至五 7am – 6:30pm,星期六 7am – 5pm,星期日及公众假期休息